Gunungkidul, Suaradjogja.co - Ana 25 pasang pengantin saka DIY melu Nikah Bareng Merdeka sing digelar ana ing "Heha Stone Valley" Rebo Legi, 7 Agustus 2024.

Kanthi momentum mengeti Kamardhikan RI Ka-79, dene acara kasebut minangka asil kolaburasi saka BAZNAS DIY lan FORTAIS(Forum Ta'auf Indônèsia) Sewon,Bantul.Heha Stone Valley kang sinengkuyung dening Pemerintah Kabupatèn Gunungkidul,Kemenag Gunungkidul sarta Komunitas Perias Gunungkidul (KOPER).

Ketua Pelaksana Kegiyatan Riyan Budi Nuryanto mratelaake marang suaradjogja.co, menawa acara Nikah Bareng iki, wis diadani wiwit Taun 2006 kang digelar kanthi alumni 17.500 pasang. 
Pranyata sing digelar saiki sing ke wolu kang diadani setaun kaping pindho menawa masarakat butuhake banget lan akeh pihak sing gelem menehi bantuwan  langsung tumuli gotong royong nylenggarake kanggo acara iki.Ewasamana _Riyan Budi Nuryanto_ uga mratelaake pasarta _Nikah Bareng Merdeka_ kang mulabukane asale saka DIY iki, temahan antuk fasilitas gratis, yaiku wiwit saka biaya nikah lan bingkisan pengantin. 

Kayata: _mahar, alat sholat, cincin kawin, watu abang putih, thiwul abang putih, paket perawatan sadurunge nikah, busana/rias pengantin, dhekorasi, dhokumentasi, tasyakuran kerakyatan nganti bulan madu.

Dene tamu kang rawuh makili Pemerintah Kabupatèn Gunungkidul, yaiku Asisten Umum _Heri Sukaswadi_ ngaturake ucapan selamat kanggo para pinanganten.

Mugiya dadi pernikahan kang berkah nganti tumeka dônya akhirat. Wandene uga ana salah sijine pasangan penganten Intan, gadhis asal saka Semanu lan Indra asal saka Patuk. Pasangan penganten ora nyang ka, menawa acara semeriah iki disekseni ewonan wong. Awit bisa nikah ana sandhuwure jembatan kaca, sanadyan rasane ati dhegdhegan, nanging bisa plong. Apamaneh ana ing acara gedhen iki, dirawuhi Kepala Baznas _DIY Puji Astuti_ Asisten Pemerintah lan Kesejahteraan Rakyat ._dr.Dewi Irawaty, Kepala Dinas Kependhudhukuhan lan Pencacatan Sipil  _Markus Tri Munarja_ Ewasamana uga dirawuhi keluwarga penganten.

(Kolaborasi, Djaka Lodhang, deneng
Rep/Supadiyono)