Bantul, Suaradjogja.co, -- Ora Tepung ,Mula Ora Tresna_.Paribasan iki,ngibaratake marang salah sijine kadher PDI Perjuangan saka DPC Kabupatèn Bantul,sing asmane wus kawentar nganti tumeka jaban rangkah.Wandene asmane kadher _Agustinus Sulistyo Jati,S Psi_ kang pidalem ana ing Padhukuhan Semampir RT 05,Kalurahan Argorejo,Kapanewon Sedayu,Kabupatèn Bantul,Yogyakarta.
Agustinus Sulistyo Jati,S Psi utawa diaturi _Mas Tinus_ asmane akrab Priya lairan Bantul,3 September 1974 rong sasi kepungkur ,tepate dina Selasa,13 Agustus 2024 bebarengan 44 Caleg kepilih ana ing Pemilu 2024 kang digelar Rebo Legi,12 Februari 2924 winisuda minangka anggota DPRD Kabupatèn Bantul,2024-2029.
Rikala disumpah janji dening Ketua Pengadilan Negeri Bantul _Aries Sholih Efendi_ para dhewan mratelaake," Menawa bakal nindakake jejibahan luhur minangka wakil rakyat kanthi sawutuhing ati.
Agustinus Sulistyo Jati,S Psi
Tumrape piyayi alumnus Fakultas Psikologi Universitas Mercu Buana Yogyakarta iki,anggone ambyur ana PDI Perjuangan wiwit isih wiranom.Mahanani dadi cerak klawan para pengurus DPC uga anggota DPRD Kabupatèn Bantul.Kayadene Swargi Giring,Swargi Timbul.Ewasamana uga cedhak banget,marang Joko Purnomo Ketua DPC PDIP Perjuangan Kabupatèn Bantul kang saiki isih ngasta Wabup lan Cabup Bantul 2025-2030.
Kajaba kuwi,uga cedhak marang para pengurus DPD PDI Perjuangan DIY sarta anggota DPR RI My Esty Wijayati,S.E,Drs H Idham Samawi,GM Totok Hedi lan kadher PDI Perjuangan Bantul liyane.Satemah pinaringan kapercayan minangka pengurus PAC PDI Perjuangan Kapanewon Sedayu.Sajrone aktif minangka kadher,tansah sengkut ngawal aspirasine masarakat kang magepokan pendhidhikan,kesehatan,budaya lsp.Mula ora mokal lan murwat bisa ngasta DPRD Bantul saka Dapil VI(Kasihan,Sedayu).
Rikala Mas Tinus,ditemoni lan diwawancarai _Suara Djogja_ ana daleme dina Senen Legi,16:September 2024 gayud sawise winisuda minangka anggota DPRD ngandharake:"Menawa nganti tumeka seprene durung kabentuk komisi komisi lan alkap Nanging wus antuk katerang saka Joko Purnomo Ketua DPC PDI Perjuangan Kabupatèn Bantul samengkone bakal pinaringan amanah ana ing Komisi D,yaiku salah sawijine komisi kang ana sambung rapete karo pendhidhikan,kesehatan,budaya.Kanthi mengkono jumbuh karo tugas sing ditindakake sadurunge ngasta dhewan.Pangandikane Mastinus,marang SD.
Karana wus bisa ngasta dhewan,Mas Tinus tetep nuhoni Visi(Gegayuhan) lMisi(Pangajabe)rikala maju Caleg,yaiku bakal ngawal lan merjuwangke
aspirasi masarakat kanthi becik.Satemah masarakat Kasihan lan Sedayu sarta masarakat Bantul umume makmur,sejahtera,pinter,sehat uga berbudaya.Pungkase.
Red: Jana.
Editor: Supadiyono
.jpeg)
0 Komentar